Rock-energie op die Aardklop-verhoog: Veervol tref Potchefstroom Dinsdag 29 September

Aardklop-gangers kan hulle regmaak vir 'n onvergeetlike dosis hoë-energie alternatiewe rock wanneer Veervol op Dinsdag, 29 September die verhoog betree.

Hierdie Potchefstroom gebaseerde groep het die laaste tyd die Afrikaanse musiektoneel behoorlik laat gons. Nadat hulle as die algehele wenners van die 2024 Battle of the Bands-kompetisie gekroon is, het Veervol vinnig gegroei tot een van die mees besproke opkomende name in die bedryf.

Veervol staan bekend vir hul kragtige, plofbare regstreekse optredes wat gehore laat ontplof van energie. Feesgangers kan uitsien na 'n vertoning gevul met rou passie en meesleurende klanke, insluitend hul gewilde enkelsnitte "Sink" en "Adrenalien".

Vir rockliefhebbers en kultuurssoekers wat vanjaar die feesterrein besoek, is Veervol se optrede op Dinsdag 'n absolute moet-sien op die Aardklop-program. Moenie die kans misloop om hierdie Potchefstroomse talent regstreeks in aksie te beleef nie!

Volg Veervol Instagram :Kliek HierSpotify :Kliek HierFeesterrein: Inligting

Ons feesterrein op die oewer van die Mooirivier bied samesyn, kos- en kunsvlytstalletjies van uitstaande gehalte en vermaak vir die hele gesin. Veilige en gerieflike parkering naby die terrein is ingesluit, vanaf Hennie Bingle-straat se ingang.

Datums en tye: 29 September tot 3 Oktober 09:00-20:00Terreinkroeg: 11:00-23:00

🎟️ Toegangskaartjies: Seatme.co.za,

Aardklopkantoor by The Roots, of by die ingangshekke tydens die fees.

GEEN KONTANT sal by die ingangshekke of kantoor aanvaar word nie.

Dagkaartjie: R80 (Dinsdag en Woensdag), R120 (Donderdag, Vrydag en Saterdag)

Weekkaartjie: R350

Kinders o.12: Gratis

Die kinderspeelpark sal daagliks vanaf 29 September tot 3 Oktober tussen 09:00 en 21:00 oop wees.Geen kinderoppasdiens is beskikbaar nie!

Toegangskaartjies sal by die ingang van die speelpark beskikbaar wees met kontant- en kaartgeriewe.

Kostes sal nader aan die fees op die webblad beskikbaar wees.