NG Kerk Mooirivier Hou Basaar
Die basaar van die NG Kerk Mooirivier vind plaas op Saterdag, 25 Julie, vanaf 9h00 by Walter Sisulu Straat 235. Besoekers kan uitsien na 'n wye verskeidenheid kosstalletjies, vermaak en aktiwiteite vir die hele gesin.
Kos en Verversings
Verskeie tafels bied 'n groot verskeidenheid etes en snoeperye teen bekostigbare pryse aan:
Braaivleistafel: Bied hoenderburgers (R45), boereworsrolle (R40), pap, sous en braaiwors (R40), asook slap chips (R20) aan.
Boeretafel: Beskik oor lewerkoekies, roosterkoek, lewersosaties en verskeie ingelegte produkte.
Koektafel: Hier is heerlike tuisgebakte produkte beskikbaar, insluitend koeke, terte, beskuit, brode, koekies, cupcakes, fudge en koeksisters.
Ander Etes en Nagereg: Besoekers kan ook van die volgende geniet, pannekoek (R7), gevulde vetkoek (R40), kerrie en rys (R45), poeding (R15) en koeldrank (R15).
Vars Vleis en Biltong
Die vleistafel bied bekostigbare vars vleis wat gerieflik in 1kg-pakkies verpak is. Biltong sal ook beskikbaar wees teen R300 per kg.
Vermaak en Stalletjies
Behalwe van die kosstalletjies sluit die geleentheid die volgende aktiwiteite en vermaak in:
Wit Olifanttafel: Vir diegene wat op soek is na goeie winskopies.
Speletjies en Kindertafel: Vermaak vir die jongspan.
Uitstallers: Verskeie uitstallers sal hul produkte ten toon stel.
Optredes: 'n Sangeres, 'n volkspele-groep en 'n optrede deur Pom Poms vorm deel van die program.
