Potch Gazette
Parys word 150 - Feespret en straatparade oppad op Erfenisdag
Parys haal die koek en kersies uit, want die dorp word amptelik 150 jaar oud. Op Erfenisdag, 24 September 2026, gaan die strate behoorlik lewe kry met stories, kuns en lekker kos.
Wat gebeur op die groot dag?
Die pret skop om 09:00 die oggend af en hou aan tot 16:00. Die hoofattraksie is 'n groot straatparade wat deur Breëstraat en Waterstraat gaan beweeg. Die optog eindig by die brandweerstasie waar almal daarna versprei om die res van die dorp te verken.
Mense kan uitsien na heeltydse vermaak regdeur die dag. Daar gaan ou karre, perde, musiek, tradisionele dansers en plaaslike talent wees wat op verskillende plekke optree. Plaaslike besighede gaan ook hul besigheid wys.
Kos, kuns en markstalletjies
Daar gaan markstalletjies op verskeie plekke in die dorp staan. Besoekers kan verwag om handgemaakte produkte, kuns en goeie kos te kry. Uitstallers wat handgemaakte arts & crafts maak, word genooi om deel te neem, en kosstalletjies is net so welkom.
Kontakbesonderhede vir die fees
Mense wat wil deelneem aan die vermaak, 'n stalletjie wil bespreek of in die parade wil wees, kan die volgende persone kontak:
- Stalletjies: Audrey by 076-110-3116
- Parade: Selma by 084-269-2493
- Optredes: Lizette Combrinck by 079 293 1345
Dit gaan 'n lekker loslyf-dag wees vol kultuur en pret vir enige iemand wat wil saamkuier.